२२ असार २०८३, सोमबार
आर्मेनियाको संसदमा बुधवार ठूलो हंगामा भएको छ ।
सदनको सत्र चलिरहेको बेलामा सांसदहरूले एकअर्कालाई लात हानेको अनि विभिन्न वस्तु प्रहार गरेको भिडियो सार्वजनिक भएको छ ।
सत्तारूढ दलका सांसदहरूले एक विपक्षी सांसदलाई नराम्ररी कुटपिट गरेपछि झगडा शुरू भएको हो । विपक्षी सांसदहरूले सत्तारूढ दल सिभिल पार्टीका सांसदमाथि बोतल प्रहार गरेका थिए ।
झैझगडा बढेपछि सभामुखले बैठक स्थगित गर्दै सुरक्षाकर्मीहरूलाई स्थिति नियन्त्रण गर्न लगाएका थिए ।
कैयौं सांसदलाई सुरक्षाकर्मीहरूले हटाएका थिए ।
एकजना सांसदको आँखामा चोट लागेपछि अस्पतालमा भर्ना गरिएको छ ।
पोहोर साल अजरबैजानसँगको युद्ध हारेपछि आर्मेनियामा तीव्र ध्रुवीकरण भएको छ । युद्ध हारेपछिको आमनिर्वाचनमा अनपेक्षित रूपमा प्रधानमन्त्री निकोल पाशिन्यान विजयी भएका थिए ।
