रुसको राजधानी मस्कोबाट बंगलादेशको राजधानी ढाका गइरहेको एक यात्रुवाहक विमानका चालकलाई उडानकै क्रममा हृदयघात भएपछि भारतको नागपुरमा आकस्मिक अवतरण गर्नुपरेको छ । 

रायपुरमाथि उडिरहेको बेलामा विमानचालकलाई अप्ठ्यारो अनुभव भयो र हृदयघात हुन पुग्यो । कोपाइलटले तत्कालै कोलकाता एटीसीलाई सम्पर्क गरे अनि पाइलटको स्वास्थ्य बिग्रिएको जानकारी दिए । त्यसपछि विमानलाई नागपुर विमानस्थलमा अवतरण गर्ने निर्देशन दिइयो । 

कोपाइलटले विमानलाई नागपुर विमानस्थलमा सुरक्षित अवतरण गरे । विमानका सबै यात्रु सुरक्षित छन् । विमानमा १२६ यात्री थिए ।

अवतरणपछि पाइलटलाई अस्पताल लगिएको छ । 

कोपाइलट र एटीसीको सुझबुझका कारण विमान सुरक्षित अवतरण गर्न सक्यो ।