नेकपा एकीकृत समाजवादीका अध्यक्ष माधवकुमार नेपालले एमाले अध्यक्ष केपीशर्मा ओली प्रधानमन्त्री हुँदा भ्रष्टाचार र अनियमिततामा कीर्तिमान कायम गरेको आरोप लगाएका छन् । 

पार्टी संसदीय दलको पहिलो बैठकलाई सम्बोधन गर्दै नेता नेपालले यस्तो बताएका हुन् । 

‘आफूले जस्तो काम कसैले गरेको छैन भनेर दाबी गर्ने केपी ओलीको भ्रष्टाचारका कीर्तिमान थाहा पाउन महालेखाको प्रतिवेदन पढ्नुस् त, भ्रष्टाचारका कीर्तिमान त्यहाँ देख्न पाइन्छ’, नेपालले भने ।

सम्बोधनमा नेपालले ओलीको चर्को आलोचना गरेका थिए ।  

‘भ्रष्टाचारमा उहाँ संलग्न हुनुभएको थिएन भने छानबिनमा किन अवरोध गर्नुभयो ? किन छानबिन हुन दिनुभएन ?’, उनले भने, ‘औषधि खरिद, कमिसन, बाइडबडीमा के–के भयो ? महालेखाको प्रतिवेदनमा आएको छ ।’