२५ जेठ २०८३, सोमबार
सत्ता साझेदार प्रमुख चार दल नेपाली कांग्रेस, माओवादी केन्द्र, नेकपा (एकीकृत समाजवादी) र जसपा नेपालबीच मन्त्रिपरिषद् विस्तारबारे छलफल शुरू भएको छ ।
प्रधानमन्त्री निवास बालुवाटारमा सोमवार बिहान १० बजेदेखि जारी बैठकमा प्रधानमन्त्री एवं कांग्रेस सभापति शेरबहादुर देउवालगायत सत्ता गठबन्धनका नेताहरू सहभागी छन् ।
बैठकमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधव नेपाल तथा जसपा अध्यक्ष उपेन्द्र यादव र नेता डा. बाबुराम भट्टराई सहभागी छन् । सत्तागठबन्धका नेताहरूबीच यथाशीघ्र मन्त्रिपरिषद् विस्तार गर्नेबारे छलफल भइरहेको बालुवाटार स्रोतले बतायो ।
असार २९ गते प्रधानमन्त्रीको शपथ लिएर ४ जना मन्त्री नियुक्त गरे पनि देउवाले डेढ महिनासम्म मन्त्रिपरिषद् विस्तार गर्न सकेका छैनन् ।
सत्तारुढ दलले सरकारका साझा न्यूनतम कार्यक्रम सार्वजनिक गरिसकेका छन् ।
