०३ असार २०८३, बुधबार
काठमाडौं उपत्यकाका तीनवटै जिल्ला प्रशासन कार्यालयहरूले सांकेतिक रूपमा मात्रै निषेधाज्ञा जारी राखेपछि पार्टी प्यालेसहरू पूर्ववत् अवस्थामा सञ्चालनमा आउन पाउने भएका छन् ।
कोरोना महामारीको दोस्रो लहर शुरू भएपछि जिल्ला प्रशासन कार्यालयले सूचना जारी गरेर पार्टी प्यालेस सञ्चालनमा रोक लगाएको थियो ।
काठमाडौं, ललितपुर र भक्तपुर जिल्ला प्रशासन कार्यालयले आज नयाँ सूचना जारी गरेर पार्टी प्यालेस सञ्चालनलाई ‘निषेध गरिएको गतिविधि’बाट हटाएको छ ।
यससँगै सिनेमा हल, डान्सबार, दोहोरी, नाचघर, क्लब, स्वीमिङ पूल, मनोरञ्जन स्थल, संग्रहालय, रंगशाला आदि सञ्चालमा आउने भएका छन् ।
अब धार्मिक तथा सांस्कृतिक गतिविधि पनि सञ्चालन हुन पाउने छन् । यसअघि पुजारीबाट हुने नित्य पूजा बाहेक अन्य धार्मिक तथा सांस्कृतिक गतिविधि सञ्चालन गर्न रोक लगाइएको थियो ।
