२६ जेठ २०८३, मंगलबार
पश्चिम चितवनको जगतपुरमा गैंडाको आक्रमणबाट १ जना महिलाको मृत्यु भएको छ ।
मृत्यु हुनेमा भरतपुर महानगरपालिका–२३ की ३८ वर्षीया सम्झना दराई रहेका इलाका प्रहरी कार्यालय गीतानगरले जनाएको छ ।
कार्यालयका अनुसार स्थानीय हरियाली सामुदायिक वनमा घाँस काट्न गएकी दराईलाई बुधवार दिउँसो २ः३० बजे गैंडाले आक्रमण गरेको थियो ।
गैंडाको आक्रमणबाट गम्भीर घाइते दराईको उपचारका क्रममा चितवन मेडिकल कलेजमा मृत्यु भएको हो । उनको दिउँसो ३ः२५ बजे मृत्यु भएको हो ।
