२९ असार २०८३, सोमबार
रूपन्देही जिल्ला क्रिकेट संघको अध्यक्षमा हरि थापा निर्वाचित भएका छन् । सोमबार भैरहवामा भएको संघको पाँचौं अधिवेशनबाट ६९ मत प्राप्त गरी थापा निर्वाचित भएका हुन् ।
थापा दोस्रो कार्यकालका लागि अध्यक्षमा निर्वाचित भएका हुन् । उनका प्रतिद्वन्द्वी पूर्वक्रिकेटर शक्ति गौचनले ४९ मत मात्र प्राप्त गरे ।
चार वर्षअघि भएको निर्वाचनमा पनि थापासँगै गौचन पराजित भएका थिए । उपाध्यक्षमा खेमराज भुसाल, सचिवमा उदयकुमार मल्लिक र कोषाध्यक्षमा धीरज अधिकारी क्षत्री निर्वाचित भएका छन् ।
संघको महिला सदस्यमा उमा अधिकारी र अन्य सदस्यमा प्रशान्तविक्रम मल्ल, निरजप्रताप खाँण, पुनित पोखरेल, मनोज भण्डारी, भुवन पाण्डे, विजयसिंह ज्ञवाली, कृष्णकुमार कुँवर, ज्वालेसप्रसाद प्रधान, अन्तिम थापा र ताराप्रसाद पाठक निर्वाचित भएको मतदान अधिकृत प्रकाश न्यौपानेले जानकारी दिए ।
