बुधवार शुरू हुने प्रतिनिधि सभा अधिवेशनको पहिलो बैठकमा राजनीतिक दलसम्बन्धी अध्यादेशलगायत ३२ बुँदे कार्यसूची तय भएको छ । 

संघीय संसद् सचिवालयले तयार गरेको बुधवारको सम्भावित कार्यसूचीमा गृहमन्त्री बालकृष्ण खाणले राजनीतिक दलसम्बन्धी अध्यादेश पेश गर्ने कार्यसूची छ । 

३२ बुँदे कार्यसूचीमा शपथसम्बन्धी अध्यादेश, विनियोजन अध्यादेश लगायत कयौँ अध्यादेश स्वीकृत गरियोस् भन्ने कार्यसूची छ । 

बुधवार अपरान्ह शुरू हुने अधिवेशनको पहिलो बैठकमै नेकपा एमालेले सभामुख अग्नि सापकोटाको कार्यशैलीलाई लिएर विरोध जनाउने तयारी गरेको छ । संसद् अधिवेशन बुधवार अपरान्ह ४ बजे शुरू हुँदैछ ।