२७ असार २०८३, शनिबार
अफगानिस्तानको राजधानी काबुलमा विरोध प्रदर्शन रोक्नका लागि तालिबानले महिलाहरूलाई एउटा बैंकको अन्डरग्राउन्ड कार पार्किङ लटमा थुनेर राखेको छ ।
तालिबानविरोधी प्रतिकार समूहका नेताले आश्वासन गरेपछि मंगलवार विरोधकर्ताहरूले काबुलका सडकमा प्रदर्शन गरेका थिए ।
मोबाइल फोनमा खिचिएको भिडियोमा एक महिला अन्डरग्राउन्ड कार पार्कमा देखिन्छिन् । उनले क्यामरा घुमाउँदा अन्य महिला र केही बालबालिका पनि त्यही ठाउँमा भेला भएका देखिन्छन् ।
एकजना पुरुषले चिच्याएको आवाज आएपछि भिडियो हतारहतार बन्द गरिन्छ ।
अफगानिस्तानको तोलो न्युजका समाचारप्रमुख मिराका पोपलले ट्विटरमा उक्त क्लिप शेयर गरेका हुन् । ती महिलालाई काबुलको अजीजी बैंकको अन्डरग्राउन्ड कार पार्किङ लटमा थुनेर राखिएको र विरोध प्रदर्शनमा जान रोकिएको उनले लेखिन् ।
मंगलवार तालिबानविरोधी प्रदर्शनकारीहरूले महिलालाई अधिकार दिनुपर्ने, काम गर्न स्वतन्त्रता हुनुपर्ने र हिँडडुल गर्न दिइनुपर्ने माग राखेका थिए ।
प्रदर्शनकारीहरूले पाकिस्तानविरोधी नारा पनि लगाएका थिए । उसले अफगानिस्तानको आन्तरिक मामिलामा हस्तक्षेप गरेको भन्दै विरोध गरिएको हो ।
Taliban kept tens of women in the basement of Azizi Bank to prevent them from joining protesters in Kabul streets, some eyewitnesses say.#Afghanistan#Kabul #Talibans pic.twitter.com/gx783M1Ou3
— Miraqa Popal 💧 (@MiraqaPopal) September 7, 2021
