२९ असार २०८३, सोमबार
अमेरिकाको साउथ क्यारोलाइनामा सेप्टेम्बर ११ को स्मरणदिवसको अवसरमा बनाइएको स्मारकमा अज्ञात व्यक्तिहरूले बदमासी गरेका छन् ।
उनीहरूले स्प्रे प्रयोग गरेर स्मारकमा तालिबान लेखेका छन् ।
उक्त स्मारक नजिक लगभग एक हजारवटा अमेरिकी झण्डा राखिएका थिए । दुईवटा टावर पनि बनाइएको थियो । मानिसहरूले श्रद्धाञ्जलि पनि दिइरहेका थिए ।
तर बदमासहरूले स्प्रे गरेर तालिबान लेखिदिए ।
सेप्टेम्बर ११ को आक्रमणपछि अमेरिकाले अलकायदा प्रमुख ओसामा बिन लादेन बसेको ठाउँ अफगानिस्तानमा आक्रमण गरेर तालिबानलाई सत्ताच्युत गरेको थियो । तर २० वर्षपछि अहिले तालिबान पुनः सत्तामा आएको छ ।
