बुहारीमाथि विश्वास नभएपछि नाति जन्मिनेबित्तिकै डीएनए जाँच, नतिजा आएपछि हंगामा !

काठमाडाैं
असोज ४, २०७८

एजेन्सी

प्रतिकात्मक तस्वीर

अ अ अ

बुहारीमाथि विश्वास नगर्ने सासु–ससुराले नाति जन्मिनेबित्तिकै डीएनए परीक्षण गराएको घटना अमेरिकामा सार्वजनिक भएको छ ।

सामाजिक सञ्जाल रेडिटमार्फत सार्वजनिक भएको घटनाका आधारमा मिररले लेखेको रिपोर्टमा सुटुक्क डीएनए जाँच गरिएको उल्लेख छ ।

नाम उल्लेख नगर्ने शर्तमा एक व्यक्तिले भनेका छन्, ‘मैले आफ्नी पत्नी सोन्यासँग एउटा रेस्टुरेन्टमा भेटेको थिएँ । उनी त्यहाँ वेट्रेस थिइन् । आखिरमा हामीबीच प्रेम भयो । मैले उनलाई आमाबुवासँग भेटाए तर आमाबुवाले मन पराएनन् ।’

उनले अगाडि भनेका छन्, ‘मैले विवाह गर्ने जिद्दी गरेपछि आमाबुवा हामीबाट टाढा गए । मैले भाइ र सोन्याका साथीलाई साक्षी राखेर बिहे गर्नुपर्‍यो ।’

बिहेको १ वर्षपछि बच्चा जन्मिँदा टाढा गएका आमाबुवा फेरि सम्पर्कमा आएका ती व्यक्तिले बताए । ‘बच्चाका हजुरबुवा–हजुरआमा दिनदिनै भेट्न थाले । सम्पर्कमा रहन थाले,’ उनले भने । बच्चाको नाम गैरेथ राखियो ।

नवजात नातिसँग कुरा गर्दै हजुरबुवाले ‘तिमी साच्चिकै मेरै नाति पुष्टि भएकोमा धेरै खुशी छु’ भनेको ती व्यक्तिले सुने । त्यसपछि उनले आफ्नी आमालाई अर्थ सोधे ।

त्यसपछि बुहारीमाथि शंका भएकाले बच्चाको डीएनए जाँच गरिएको रहस्य खुल्यो । आक्रोशित भएका बच्चाका बुवाले बच्चालाई माग्दै नातिबाट टाढा जान आग्रह गरे । डीएनए परीक्षणको घटनाले परिवारमा हंगामा मच्चियो ।

ती व्यक्तिले भनेका छन्, ‘बच्चाको अनुहार पनि आफ्नो परिवारसँग नमिलेपछि झन् शंका गरिएको रहेछ । तर अनावश्यक शंका गरेर डीएनए नै परीक्षण गर्नु उचित थिएन ।’