पुस ५, २०८०
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
दशैं नजिकिएसँगै काठमाडौं उपत्यका छाड्नेहरूको भीड बढ्न थालेको छ ।
पछिल्ला दिनहरूमा हवाइ मार्ग हुँदै काठमाडौंबाट बाहिरिनेको संख्या बढ्न थालेको वायु सेवा कम्पनीहरूले जनाएका छन् ।
विगतका दिनहरूमा भन्दा अहिले काठमाडौंबाट घर फर्कने यात्रुहरूको संख्या बढेको छ, यति एयरलाइन्सका प्रवक्ता सुदर्शन बर्तौलाले लोकान्तरसँग भने ।
उनका अनुसार अहिले प्रायजसो उडानमा करीब ९० प्रतिशत सीट भरिएका हुन्छन् ।
बढ्दै बूकिङ, तर विगतको भन्दा कम !
पछिल्ला दिनहरूमा कतिपयले दशैंपछिसम्मका लागि पनि टिकट बूकिङ गरिसकेका छन् ।
श्री एयरलाइन्सका कर्पोरेट व्यवस्थापक अनिल मानन्धरले पछिल्ला दिनहरूमा टिकट बूकिङहरू बढ्दै गइरहेको बताए ।
उनका अनुसार अहिले दशैंका लागि करीब ३० देखि ४० प्रतिशतको हाराहारीमा टिकट बूकिङ भइसकेको छ ।
‘अहिले नै कतिपयले दशैंपछिसम्मका लागि पनि बूकिङ गरेका छन्,’ उनले भने,‘ हाम्रोमा बढी मात्रामा विभिन्न ग्रुपहरूले टिकट काटेका छन् ।’
यता बुद्ध एयरले पनि अहिले दशैंका लागि बूकिङ भइरहेको जनाएको छ ।
करीब १० देखि १५ प्रतिशतको हाराहारीमा टिकट बूकिङ भएको बुद्ध एयरका रुपेश जोशीले लोकान्तरलाई जानकारी दिए ।
उनले अहिले धेरै बूकिङ भइनसकेको भन्दै दशैंको करीब १५ दिन अघिदेखि बूकिङमा चाप आउने बताए ।
यसपालिको दशैंका लागि सौर्य एयरलाइन्सले सेप्टेम्बर १५ देखि नै टिकट बूकिङ खुलाएको थियो ।
बूकिङ खुलाए पनि दशैंका लागि भने टिकट लिनेहरूको त्यति चाप भइनसकेको एयरलाइन्सका बजार व्यवस्थापक मुकेश खनाल बताउँछन् ।
उनका अनुसार, विगतको तुलनामा अहिले टिकट बूकिङ निकै न्यून छ । कोरोना महामारीका कारण बूकिङ विगतको जस्तो नभएको उनको बुझाइ छ ।
यद्यपि अबको एक हप्तापछि बूकिङको चाप बढ्ने अपेक्षा रहेको बजार व्यवस्थापक खनाल सुनाउँछन् ।
उनले भने, ‘पहिला यतिखेर निकै टिकट गइसकेको हुन्थ्यो, तर अहिले त्यस्तो गएको छैन ।’
कोरोनाका कारण मात्र नभएर अहिले कक्षा १२ को परीक्षाका कारण पनि टिकट बूकिङ कम भएको बजार व्यवस्थापक खनालको बुझाइ छ ।
अहिले कक्षा १२ को परीक्षा सकिएपछि प्रायः परिवार दशैं मान्नका लागि आफ्नो गाउँ फर्कने अवस्था रहेको छ ।
यता, दशैं मनाउनका लागि विदेशमा काम गर्न गएका नेपालीहरू पनि फर्कने क्रम जारी छ ।
उनीहरू फर्किसकेपछि पनि टिकट बूकिङ बढ्ने खनाल बताउँछन् ।
बजार व्यवस्थापक खनाल भन्छन्, ‘विदेशमा काम गर्ने नेपाली नागरिकहरू पनि विदेशबाट फर्कने क्रम जारी छ, उनीहरू आएपछि मात्रै टिकट बूकिङ बढ्ने देखिन्छ, हामी यसकै प्रतिक्षामा छौँ ।’
यति एयरलाइन्सका प्रवक्ता सुदर्शन बर्तौलाले पनि अहिले बूकिङ बढ्दै गइरहेको बताए ।
अनलाइनबाट टिकट काट्ने परिपाटीको विकास हुँदै जाँदा अहिले बूकिङ बढिरहेको उनको बुझाइ छ ।
एयरलाइन्सले दशैंलक्षित बूकिङ मात्रै पनि करीब २५/३० प्रतिशत गरिसकेको बर्तौलाले जानकारी दिए ।
उनले भने, ‘हामीले विशेष गरी ४ दिनलाई दशैं लक्षित बूकिङ भन्छौँ । हाम्रोमा करीब २५/३० प्रतिशत यस्तो बूकिङ भइसकेको छ ।’
अहिले सामान्य उडान मात्रै पनि करीब ९० प्रतिशत अकुपेन्सीमा भइरहेको उनले बताए ।
यस्तै एयरलाइन्सले दशैंका लागि दिनको ४ वटा उडान थप्ने तयारी गरेको छ, जसका लागि उसले नागरिक उड्डयन प्राधिकरणसँग अनुमति मागेको प्रवक्ता बर्तौलाले जानकारी दिए ।
यतिले अहिले दैनिक २१ उडान गरिरहेको छ ।
फेरियो ट्रेन्ड
विगतमा भन्दा यसपालि दशैंमा घर जानेहरूको ट्रेन्ड फेरिएको छ । अहिले विद्यार्थीहरू प्रायजसो गाउँ अथवा काठमाडौं उपत्यकाभन्दा बाहिर नै रहेका छन् ।
काठमाडौंमै रहेका कतिपय विद्यार्थीहरूले पनि अनलाइन माध्यममा पढिरहेका छन् । उनीहरूलाई गाउँमै गएर पढ्ने विकल्पहरू समेत रहेकाले कतिपय भने अहिले नै घर गइसकेका छन् ।
विगतमा दशैं आउने २०/२२ दिन अगाडिदेखि नै हवाई टिकट बूकिङका लागि भीड लाग्ने गरेको थियो । अहिले भने विद्यार्थीहरू उपत्यकाबाहिर नै रहेकाले त्यस्तो नदेखिएको यति एयरलाइन्सका बर्तौलाले लोकान्तरसँग भने ।
यस्तै अहिले सबै एयरलाइन्सहरूसँग विगतका भन्दा ठूला जहाज छन् ।
विशेषगरी यी २ कारणले गर्दा पनि यस वर्षको दशैंमा टिकट नपाइने स्थिति नरहेको बर्तौला बताउँछन् ।
धेरैले मागे दशैंका लागि उडान अनुमति
नेपाल नागरिक उड्डयन प्राधिकरणका अनुसार अहिले उडान अनुमतिका लागि धेरैले माग गरेका छन् ।
कम्पनीहरूले आफ्नो आवश्यकता अनुसार थप गरिरहेका छन् ।
कम्पनीहरूले प्रायः १ देखि २ वटासम्म र कुनै–कुनै एयरलाइन्सहरूले ४ वटासम्म पनि उडान थप्न अनुमति मागेको प्राधिकरणले जनाएको छ ।
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...