१९ असार २०८३, शुक्रबार
नेकपा एमालेका अध्यक्ष केपी शर्मा ओलीले पार्टीको विधान महाधिवेशनमा आफ्नो तर्फबाट राजनीतिक प्रतिवेदन पेश गर्ने जिम्मा सचिव शंकर पोखरेललाई दिएका छन् ।
प्रतिवेदन झण्डै आधाजसो पढिसकेपछि ओलीले पोखरेललाई जिम्मा दिएका हुन् । आफूलाई रुघाखोकी लागेकाले गाह्रो भएको भन्दै ओलीले पोखरेललाई जिम्मा दिइएको बताए ।
'मलाई अलिकति रुघाखोकीको कारणले .... (गाह्रो भएको छ), यो अझै लामो छ । यो प्रस्तुत गर्नका लागि कमरेड शंकर पोखरेललाई आग्रह गर्दछु । मेरो तर्फबाट उहाँले प्रस्तुत गर्नुहुन्छ,' उनले भने ।
ओलीले जिम्मा दिएपछि अहिले शंकर पोखरेलले प्रतिवेदन पेश गरिरहेका छन् ।
