३१ जेठ २०८३, आइतबार
इटालीको मिलान क्षेत्रमा आइतवार भएको सानो विमान दुर्घटनामा परेर आठ जनाको ज्यान गएको छ । सो विमान निजी र सानो रहेको थियो ।
सो विमान मिलान क्षेत्रको एक बस्तीमा खसेको थियो । उक्त विमान सो वस्तीको दुई तले घरमा परेको थियो । घरमाथि सो जहाज खस्दा त्यसमा रहेका आठ जनाको ज्यान गएको हो ।
उक्त जहाजका चालक, सहचालक र अरू ६ जना यात्रुको सो विमान दुर्घटनामा परेर निधन भएको समाचारमा जनाइएको छ । सो जहाज दुर्घटनामा परेर निधन भएकामा एक जना इटालियन नागरिक पनि छन् । त्यस्तै त्यसमा एक बच्चाको पनि ज्यान गएको छ ।
यहाँका स्थानीयहरुले उक्त दुर्घटना निकै नै डरलाग्दो भएको बताएका छन् । वस्तीमा जहाज खसेपछि त्यहाँका नागरिकहरू निकै आतंकित भएका छन् ।
प्रहरीले सो दुर्घटनाको कारण अनुसन्धान गरिरहेको बताएको छ । ठूलो संख्याका उद्धारकर्मी र दमकलहरू सो दुर्घटनाको उद्धारका लागि परिचालन गरिएको प्रहरीले जनाएको छ । रासस-सिन्ह्वा
