नेपालका लागि अमेरिकी राजदूत र्‍यान्डी बेरीले भेटेलगत्तै परराष्ट्रमन्त्री डा. नारायण खड्कासँग नेपालका लागि चिनियाँ राजदूत होउ यान्छीले समेत भेटवार्ता गरेकी छन् ।

नवनियुक्त परराष्ट्रमन्त्री खड्कासँग शिष्टाचार भेट गर्न राजदूत होउ सोमवार सिंहदरबारस्थित परराष्ट्र मन्त्रालय पुगेकी हुन् ।

मन्त्रालयका अनुसार मन्त्री खड्का र राजदूत होउबीच द्विपक्षीय विविध विषयमा छलफल भएको छ । कोरोना भाइरस विरुद्धको खोप सम्बन्धमा सहकार्य गर्ने विषयमा छलफल भएको परराष्ट्र मन्त्रालयले जानकारी दिएको छ ।
 

H.E. Ms Hou Yanqi, Ambassador of the People’s Republic of China paid a courtesy call on Hon. Foreign Minister Dr. Narayan Khadka today. A wide range of issues on Nepal-China relations including vaccine cooperation were discussed during the meeting. pic.twitter.com/9nq87hir9x

— MOFA of Nepal 🇳🇵 (@MofaNepal) October 4, 2021