चीनले नेपाललाई सिनोभ्याक कम्पनीले उत्पादन गरेको कोरोनाविरुद्धको १० लाख डोज खोप अनुदानमा दिने भएको छ । 

नेपालका लागि चिनियाँ राजदूत होउ यान्छी र स्वास्थ्य राज्यमन्त्री उमेश श्रेष्ठबीच बुधवार मन्त्रालयमा भेटवार्ता भएको थियो । 

भेटमा यान्छीले नेपाललाई कोरोनाविरुद्धको खोप उपलब्ध गराउने निर्णय भएको जानकारी दिएको राज्यमन्त्री श्रेष्ठले बताए । 

यस्तै आउन सक्ने तेस्रो लहरसँग जुध्न चीनले ५० लाख चिनियाँ युआन अनुदानस्वरुप दिने श्रेष्ठको भनाइ छ । साथै चीनले तीन लाख खोप नेपाल आर्मीमार्फत् प्रदान गर्ने पनि जनाइएको छ । 

भेटमा चीनले गरेको सहयोगका लागि श्रेष्ठले आभार पनि व्यक्त गरेका थिए । 

राज्यमन्त्री श्रेष्ठका अनुसार चीनबाट आगामी कात्तिक ३, ५ र ६ गते १६ लाख भेरोसेल खोप काठमाडौं आउनेछ ।