२६ जेठ २०८३, मंगलबार
भारतले एस–४०० मिसाइल प्रतिरक्षा प्रणाली खरिद गर्न खोज्दा अमेरिका रिसाएको छ ।
भारतले रुसबाट प्रतिरक्षा प्रणाली खरिद गर्न लागेकोमा अमेरिकाले आपत्ति जनाएको छ ।
राष्ट्रपति जो बाइडन प्रशासनका उच्च अधिकारी वेन्डी सर्मनले रुसबाट प्रतिरक्षा प्रणाली खरिद गर्ने भारतको निर्णयले अमेरिकासँगको सम्बन्धमा समस्या निम्तिने चेतावनी दिएका छन् । भारत र अमेरिका बलिया सहयात्री भएकाले वार्ताबाट समस्याको हल निकालिने आशा उनले गरे ।
‘एस–४०० मिसाइल प्रयोग गर्ने देशलाई लिएर हाम्रो सार्वजनिक नीति नै छ, हामीलाई लाग्छ कि यो खतरनाक छ र यो कसैको पनि सुरक्षा हितमा छैन,’ उनले भने ।
रुसबाटै प्रतिरक्षा प्रणाली खरिद गरेपछि अमेरिकाले टर्कीमाथि प्रतिबन्ध लगाएको थियो । सोही आधारमा प्रतिरक्षा प्रणाली खरिद गर्दा भारत–अमेरिका सम्बन्ध समेत बिग्रिने आशंका गर्न थालिएको छ ।
सर्मनले भारतका विदेश सचिव हर्ष शृंगलासँगको भेटवार्ताका क्रममा समेत अमेरिकाको असहजता दोहोर्याएका थिए ।
