नेकपा एमालेको दशौं राष्ट्रिय महाधिवेशन जनपरिचालन कमिटीले महाधिवेशनमा जनसंगठन परिचालन कमिटी गठन गरेको छ । 

जनपरिचालन कमिटीका संयोजक सुरेन्द्र पाण्डेको अध्यक्षतामा बसेको बैठकले खिमलाल भट्टराई संयोजक रहने गरी जनसंगठन परिचालन कमिटी गठन गरेको हो । 

कमिटीले महाधिवेशनमा एमालेका २२ वटा जनसंगठनलाई परिचालन गर्ने मुख्य जिम्मेवारी पाएको संयोजक भट्टराईले बताए । त्यस कमिटीमा सबै जनसंगठनका इन्चार्ज र अध्यक्षहरू सदस्य रहने व्यवस्था गरिएको उनले बताए । 

सबै जनसंगठनका इन्चार्ज र अध्यक्ष सदस्य रहँदा ५७ जना सदस्य रहेको कमिटी बन्ने भट्टराईले जानकारी दिए । 

कमिटीले महाधिवेशनमा ५ लाख जनसहभागिता जुटाउने गरी काम गर्ने भट्टराईले बताए । ‘महाधिवेशनलाई सफल बनाउन सबै जनसंगठनको प्रभावकारी रूपमा परिचालन गर्छाैं । महाधिवेशनमा ५ लाख जनसहभागिता जुटाउनका लािग काठमाडौं उपत्यकाबाट लाखौं मानिस चितवन जाने व्यवस्था मिलाउँछौं,’ भट्टराईले भने ।