नेपाली काँग्रेसको १४ औं महाधिवेशनमा सहभागी हुने महाधिवेशन प्रतिनिधिले नामावली दर्ता गराउन ३ हजार रुपैयाँ बुझाउनुपर्ने भएको छ । काँग्रेसले आइतबार बसेको पार्टी केन्द्रीय समिति बैठकको निर्णय सार्वजनिक गर्दै सो जानकारी दिएको हो ।

‘केन्द्रीय महाधिवेशन प्रतिनिधिले नामावली दर्ता शुल्क वापत रु ३,००० (तीन हजार) बुझाउनु पर्नेछ’, निर्णयमा भनिएको छ ।
काँग्रेसको १४ औं अधिवेशन मंसिर २४–२६ गते काठमाडौंमा हुँदैछ ।