पाकिस्तानको बन्दरगाह शहर ग्वादरमा स्थानीयहरूले विरोध प्रदर्शन गर्न थालेका छन् ।

चीन पाकिस्तान आर्थिक कोरिडोर अन्तर्गत बेइजिङले ग्वादर बन्दरगाह निर्माण गरिरहेको हो । 

ग्वादर बन्दरगाह बनेको भए पनि शहरमा मानिसहरू बेरोजगार रहेको मौलाना हिदायत उर रहमानले बताए । उनी ग्वादर अधिकार अभियानका प्रमुख हुन् । 

उनले भने, ‘हामीसँग विद्युत् वा ऊर्जा छैन । अनेकौं सुरक्षा चेकपोइन्टमा हामीलाई घरिघरि रोक्दा अपमान अनुभव गर्छौं ।’

स्थानीय माछा मार्नेहरूले चिनियाँ जहाजलाई इस्लामाबादले माछा मार्ने अनुमति दिएकाले आफूहरू बेरोजगार बनेको गुनासो गरेका छन् । 

विगत एक हप्तादेखि चलिरहेको विरोध प्रदर्शन ग्वादर तथा अन्य क्षेत्रमा चीनको उपस्थितिका कारण असन्तुष्टि बढिरहेको छ । 

ग्वादरलाई सीपीईसीको सबभन्दा महत्त्वपूर्ण परियोजना मानिएको छ तर त्यसक्रममा ग्वादर शहर सेक्युरिटी स्टेट बनेको छ । 

अधिकारीहरूले बन्दरगाह तथा त्यससँग जोडिएका अन्य कुराको सुरक्षाका लागि कटिबद्ध छन् । त्यहाँ घरमा भएका मानिसको कल्याणको चिन्ता उनीहरूले लिएका छैनन् । 

सुरक्षाबलहरूले स्थानीयलाई हिँडडुल गर्न अनेकौं बन्देज लगाएका छन् । आफ्नो भूमिमा आफैं अपरिचित जस्तो अनुभव गर्नुपरेको स्थानीयहरू बताउँछन् ।

बढिरहेको सामाजिक अशान्ति र चिनियाँविरोधी भावनाले बलोच लडाकू समूहहरूलाई उत्साहित पारिरहेको छ । उनीहरूले सीपीईसी परियोजनामाथि आतंकवादी आक्रमण गरिरहेका छन् ।