२८ जेठ २०८३, बिहीबार
नेकपा एमालेका नेता भीम रावलले अध्यक्षमा उम्मेदवारी दिने तयारी गरेका छन् ।
दरखास्त फारम भरिसकेको र निर्वाचन आयोगले तोकेको समयमा बुझाउने उनले बताए ।
एमालेको बन्दसत्र चलिरहेको सौराहामा पत्रकारहरुसँग कुरा गर्दै रावलले अध्यक्षमा लड्ने बताएका हुन् ।
उनले केपी ओलीले पदाधिकारीमा सहमतिको सूची बनाएको भन्नेबारे आफूलाई थाहा नभएको बताए ।
‘हात उठाएर निर्वाचन गर्ने जस्तो अलोकतान्त्रिक कुरा स्वीकार्य छैन, गोप्य मतदान हुनुपर्छ । कसैको प्रलोभन बिनाको मतदान हुनुपर्छ,’ रावलले भने ।
एमालेको निर्वाचन आयोगले राति साढे १२ बजेसम्म उम्मेदवारी मनोनयनको समय दिएको छ ।
