१० साउन २०८३, आइतबार
यूएईको अबुधाबी टी१० लीगको एक खेलमा पाकिस्तानी अम्पायर अलीम दारलाई बलले टाउकोमा लागेको छ ।
चेन्नई ब्रेभ्स र नर्दन वारियर्सबीचको खेलमा फील्डरले हानेको थ्रो उनको टाउकोको पछिल्लो भागमा बज्रिएको छ ।
दार बलबाट बच्नका लागि भागेका थिए तर त्यो टाउकोमा लागिछाड्यो । बल लागेपछि उनी पीडामा चिच्याए ।
त्यसपछि मैदानमा फिजियो बोलाइयो र दारको स्वास्थ्य जाँच गरियो । फील्डिङ गरिरहेका खेलाडीले पनि दारको टाउकोमा मालिश गरे ।
दारलाई धेरै ठूलो चोट लागेको छैन ।
तर उनले जोगिने कोशिश गर्दागर्दै पनि टाउकोमा चोट लागेको भिडियो भाइरल बनिरहेको छ ।
Aleem Dar 🤣🤣 pic.twitter.com/Zp0mL8xwj6
— Stay Cricket (@staycricket) November 24, 2021
