क्यारिबियाली देश बार्बेडोस लगभग ४०० वर्षसम्म बेलायतको उपनिवेश रहेकोमा मंगलवारबाट स्वतन्त्र भएको छ । 

आफूलाई गणतन्त्र घोषित गरेर बार्बेडोसले बेलायती राजतन्त्रलाई सर्वोच्च निकाय नबनाउने भएको हो । बेलायतसँगको औपनिवेशिक सम्बन्ध बार्बेडोसले अन्त्य गरेको छ । 

उपनिवेशबाट स्वतन्त्रता पाएपछि बार्बेडोसका मानिसहरू आधा रातमा राजधानीस्थित चेम्बरलिन पुलमा आएर खुशियाली मनाए । 

गणराज्य बनेपछि २१ तोपको सलामी दिइयो र हिरोज स्क्वेयरमा देशको राष्ट्रगान बजाइयो । समारोहमा पुगेका बेलायतका राजकुमार चार्ल्स गम्भीरतापूर्वक उभिरहे । 

बार्बेडोसबाट प्रेरित भएर अन्य मुलुकहरूले पनि बेलायती राजतन्त्रलाई हटाउन सक्ने बताइएको छ । 

सान्द्रा मसोन बार्बेडोसकी पहिलो राष्ट्रपति बनाएकी छन् । मसोनलाई गत साता दुवै सदनको संयुक्त बैठकले राष्ट्रपति छानेको थियो । 

राष्ट्रपति मसोनले औपनिवेशिक भूतकाललाई त्यागेर अघि बढ्ने बेला आएको बताए । बार्बेडोसवासीहरू आफ्नै देशको मानिस प्रमुख हुनुपर्छ भनिरहेका थिए, उनले बताइन् । 

बेलायतका राजकुमार चार्ल्सले संविधान संशोधन गरे पनि बेलायत र बार्बेडोसबीचको सम्बन्ध न्यानो नै रहने बताए ।