०३ साउन २०८३, आइतबार
मौद्रिक नीतिको समीक्षापश्चात लगातार तेस्रो दिन पनि शेयर बजारमा गिरावट आएको छ ।
गत शुक्रवार भएको मौद्रिक नीतिको समीक्षामार्फत शेयर बजारसम्बन्धित कुनै पनि माग सम्बोधन नभएपछि लगानीकर्ता निराश बनेका छन् ।
जसका कारण आइतवार, सोमवार गिरावट आएको शेयर बजारमा मंगलवार पनि गिरावट नै भएको छ ।
मंगलवार शेयर बजार मापक नेप्से परिसूचक २.२७ अंकले घट्दै २६२७.७४ विन्दुमा झरेको छ ।
यस दिन सेन्सेटिभ परिसूचक ०.४० अंकले बढेर ४९५.८५ विन्दुमा पुगेको छ ।
कुल २ सय २५ कम्पनीको ६३ लाख ९४ हजार ८ सय १ कित्ता शेयर ३ अर्ब ५ करोड ६ लाख ६४ हजार २ सय १६ रुपैयाँमा किनबेच भएको छ ।
यस दिन सामलिङ पावर कम्पनी लिमिटेडको शेयर मूल्य ९.९९ प्रतिशतले बढेको छ ।
यस्तै न्यादी हाइड्रोपावर लिमिटेडको शेयर मूल्य ९.९८ प्रतिशतले बढेको छ ।
यस दिन इन्फिनिटी लघुवित्त वित्तीय संस्थाको शेयर मूल्य सबैभन्दा बढी ४.७७ प्रतिशतले घटेको छ ।
कारोबार रकमका आधारमा यस दिन महालक्ष्मी विकास बैंक लिमिटेडको सबैभन्दा धेरै १३ करोड ९७ लाख ११ हजार रुपैयाँ बराबरको शेयर खरिदबिक्री भएको छ ।
