झापा, १२ असार– दोस्रो चरणको निर्वाचन अन्तर्गत मतदाता परिचय पत्र वितरणमा खेटिएकी एक स्वयंसेवी महिलाको मृत्यु भएको छ । झापाको अर्जुनधारा–३ निवासी ४२ वर्षीया कमला भण्डारीको मृत्यु भएको हो ।
स्थानीय संयुक्त वडा कार्यालय, खुदुनाबारी मतदान केन्द्रमा परिचय पत्र वितरण गर्ने काममा खटिएकी भण्डारी आइतबार बेलुकी अचानक बेहोस भएर लडेकी थिइन् ।
बेहोस भएपछि उनलाई उपचारका लागि बिर्तामोडस्थित बिएण्डसी हस्पिटलतर्फ ल्याउँदै गर्दा बाटैमा मृत्यु भएको जिल्ला प्रहरी कार्यालय, झापाले जनाएको छ ।
