×

NMB BANK
NIC ASIA

कांग्रेसको प्रदेश अधिवेशन

गृहमन्त्रीको ‘रजगज’ तोडेर कांग्रेस लुम्बिनीको सभापतिमा उदाएका रोल्पाली पुन

मंसिर २०, २०७८

NTC
Sarbottam
Premier Steels
Marvel

नेपाली कांग्रेस लुम्बिनी प्रदेशको सभापतिमा अम्मरसिंह पुन मगरले बाजी मारेका छन् । रोल्पाली पुन राष्ट्रिय छवि बनाउँदै कांग्रेस लुम्बिनीको पहिलो सभापतिका रूपमा उदाएका हुन् ।

Sagarmatha Cement
Muktinath Bank

केन्द्रीय राजनीतिबाट प्रदेशमा झरेका रुपन्देहीका भरतकुमार शाह पुनसँग पराजित भए । अब लुम्बिनी प्रदेशमा कांग्रेसको राजनीति पुनले हाँक्नेछन् । 


Advertisment
RMC TANSEN
IME BANK INNEWS
shivam ISLAND

राज्यशक्तिको प्रयोग गरेर प्रधानमन्त्री शेरबहादुर देउवा र गृहमन्त्री बालकृष्ण खाँणले अगाडि सारेका शाहको विकट ग्रामीण जिल्ला रोल्पामा सशस्त्र द्वन्द्वकालमा माओवादीसँग पौँठेजोरी खेलेर कांग्रेसको राजनीति गरेका पुनसँग केही चलेन । 


Advertisment
Nabil box
Kumari

गृहमन्त्रीको रजगजलाई भत्काउन पुन सफल भए । रुपन्देहीबाट लगातार तीनपटक निर्वाचन जितेका राजनीतिक खेलाडी शाहलाई जिताउन गृहमन्त्री खाँण रूपन्देहीमै केही दिनदेखि अड्डा जमाएर बसेका थिए । 

Vianet communication
Laxmi Bank

पुन समूहको उत्साहजनक नतिजाले गृहमन्त्री खाँण र उनको समूहले ठूलो धक्का महशुस गरेको छ । जनतासँग लोकप्रिय नेता पुन लुम्बिनीका कांग्रेसका आशा लाग्ने नेतामा पर्ने कांग्रेस युवा नेताहरू बताउँछन् । 

संस्थापनइतरका पुन कांग्रेसको कोइराला परिवारनिकट नेता हुन् । मुलुकमा संघीयता कायम भएको ४ वर्षपछि पहिलोपटक प्रदेश संरचनामा गएको कांग्रेसको प्रदेश सभापतिको कुर्सी ५१ वर्षीय पुनका लागि सुरक्षित भएको छ ।

उनी शुरूदेखि नै संस्थापनइतर पक्षबाट प्रदेश सभापतिका साझा उम्मेदवार थिए । उनी जातीय संकीर्णतामा कहिल्यै लागेनन् । जातभन्दा राष्ट्रलाई अगाडि राखेर राजनीति गरेकाले कांग्रेसमा मात्र नभई बाहिर पनि लोकप्रिय छन् । उनको जीतले कांग्रेसमा नयाँ बहस सिर्जना गरेको छ ।

निर्वाचित भएपछि लोकान्तरसँग संक्षिप्त कुराकानी गर्दै पुनले भने, ‘कांग्रेसलाई केन्द्रविन्दुमा राखेर मैले काम गर्छु । निर्वाचनमा गएपछि समूहगत उम्मेदवारी स्वाभाविक जस्तै हो । मैले कसैलाई काखा कसैलाई पाखा गर्दिनँ । अबको मेरो ध्यान कांग्रेसलाई लुम्बिनीमा बलियो बनाउँदै संघारमै आउन लागेको स्थानीय, प्रदेश र संघीय निर्वाचनमा कांग्रेसलाई सबै क्षेत्रमा जिताउने गरी पार्टी संगठनलाई बलियो बनाउँदै अगाडि बढ्छ ।’ 

लुम्बिनीमा कांग्रेसलाई बलियो बनाउने आफ्नो ध्येय रहेको उनले बताए । 

को हुन सभापति पुन ?

उनी रोल्पाको गंगादेव गाउँपालिका वडा नम्बर ७ रोक भन्ने ठाउँमा २०२७ जन्मिएका हुन् । २०४८ सालदेखि कांग्रेसको राजनीतिमा लागेका पुन पार्टीका पूर्व सभापति तथा पूर्व प्रधानमन्त्री स्व. सुशील कोइरालाको छत्रछायाँमा हुर्किए । कांग्रेस विभाजन हुँदा उनी संस्थापन पक्षमै रहे ।

रोल्पामा माओवादीको शसस्त्र द्वन्द्वकालमा पनि उनले जिल्लामा सक्रिय राजनीति गरे । निर्माण व्यवसायसँगै राजनीति गर्ने पुनका निर्माण सामग्रीहरू माओवादीले जलाइदिनेसम्मको काम गरेपछि पुन रोल्पाबाट विस्थापित भएर कहिले काठमाडौं त, कहिले नेपालगञ्ज बस्न थाले । मुलुकमा शान्ति सम्झौता भएपछि उनी पुनः गृहजिल्ला रोल्पा फर्किएर कांग्रेसको सक्रिय राजनीतिमा होमिए । 

जिल्ला फर्किएपछि उनी २०६७ मा रोल्पा कांग्रेसको पार्टी सभापतिमा लडे पनि तीर्थ घर्तीसँग पराजित हुन पुगे । २०७० मा उनी समानुपातिकबाट संविधान सभा सदस्य भएर सांसद् छिरे ।

संविधान सभा सदस्यसँगै उनलाई सिञ्चाइ राज्यमन्त्री भएर काम गर्ने अवसर पनि पार्टीले दियो । संविधान सभा सदस्य हुँदै गर्दा कांग्रेस विधान मस्यौदा समितिको सदस्यमा रहेर पनि काम गरेको अनुभव पुनसँग छ । 

मानबहादुर खत्रीलाई पराजित गर्दै २०७२ मा रोल्पा कांग्रेस सभापति बने । उनी २०७४ मा संघीय संसद्को निर्वाचन लडे । माओवादी केन्द्रका प्रभावशाली नेता चिरप्रतिद्वन्द्वी वर्षमान पुन ‘अनन्त’सँग चुनाव लडेका पुनले २० हजारभन्दा बढी मत ल्याए पनि जित निकाल्न भने सकेनन् ।

रोल्पामा २० हजार मत ल्याउनु ठूलो कुरा रहेको बताउँछन् कांग्रेस रोल्पाका सचिव शेरबहादुर थापा । ‘उहाँ रोल्पाजस्तो ठाउँमा द्वन्द्वकालमा माओवादीसँग लडेर कांग्रेसको राजनीति गर्नुभएको हो । अब उहाँको राजनीतिक भविष्य उज्ज्वल छ । उहाँ सफल नेता हो । सबैसँग मिलेर काम गर्नुहुन्छ,’ थापाले लोकान्तरसँग भने । 

लुम्बिनी प्रदेश विभाजनविरूद्ध उनी आन्दोलनमा होमिँदै अखण्ड लुम्बिनी प्रदेश आन्दोलनमा पनि सक्रिय रहे । पुनले कांग्रेसलाई गोलबन्द गर्दै आफू अगाडि बढ्ने बताए । पार्टीको नीति कार्यक्रम र विचार बृहत विमर्श गर्न प्रदेश नीति अधिवेशन आयोजना र पार्टी स्कूल आफूले सञ्चालन गर्ने योजना अगाडि बढाउने बताए । 

कांग्रेसको १४ औं महाधिवेशनअन्तर्गत रोल्पाका वडा, पालिका र क्षेत्रका सबै तहमा पुन निकट नेता कार्यकर्ताहरू सर्वसम्मत रूपमा चुनिएका छन् । जिल्लाका पुनको राम्रो प्रभाव रहेको रोल्पाका पत्रकार कविता उपाध्यायले बताइन् । उपाध्यायले जनतासँग सधैँ निटक रहने पुनको स्वभाव रहेको बताइन् । पुनका प्रतिष्पर्धी शाह रूपन्देहीबाट तीनपटक निर्वाचित सांसद हुन् । शाह अहिले पनि संसद्को सार्वजनिक लेखा समितिका सभापति हुन् । 

सभापतिमा पुनसँगै उनको प्यानलको जीतले लुम्बिनीमा संस्थापनइतर पक्षलाई ठूलो राहत मिलेको छ । गृहमन्त्री बालकृष्ण खाँणलाई भने धक्का लागेको छ । लुम्बिनी प्रदेशका १२ जिल्लामध्ये ९ जिल्लाको नेतृत्व पौडेल समूहले हात पारेको छ । देउवा समूहले रूपन्देही र बर्दिया मात्र जितेको छ । बाँकीको निर्वाचन हुन सकेको छैन ।

hAMROPATRO BELOW NEWS
TATA Below
कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x