नेकपा एमाले महासचिव शंकर पोखरेलको एकाघरमा तीन जना पार्टी नेतृत्वमा चयन भएका छन् । 

लुम्बिनी प्रदेशका पूर्व मुख्यमन्त्रीसमेत रहेका पोखरेल महासचिव, उनकी पत्नी सुजिता शाक्य एमाले पोलिटब्युरो सदस्य र बहिनी मेनका पोखरेल केन्द्रीय सदस्य बनेका हुन् । 

एमालेले आइतवार छानेको पोलिटब्युरो सदस्यमा शाक्य पनि परेकी छन् । उनी चितवनमा भएको महाधिवेशनबाट केन्द्रीय सदस्यमा निर्वाचित भएकी थिइन् ।

त्यसैगरी महासचिव पोखरेलकी बहिनी मेनका त्रिविअन्तर्गतको महेन्द्र बहुमुखी क्याम्पसमा अध्यापन गराउँछिन् । 

एमालेमा लुम्बिनी प्रदेशबाट ७ जना पदाधिकारी निर्वाचित भएका छन् । उपाध्यक्षमा विष्णु पौडेल, युवराज ज्ञवाली, महासचिवमा पोखरेल, उपमहासचिवमा प्रदीप ज्ञवाली सचिवमा गोकर्ण विष्ट र छविलाल विश्वकर्मा निर्वाचित भएका छन् । 

त्यस्तैगरी पोलिटब्युरोमा घनश्याम भुसाल, मणिचन्द्र थापा, लीला गिरी, दलबहादुर राना, गोकुल घर्ती, बैजनाथ चौधरी, खेममान खड्का, खिमलाल भट्टराई  दधिराम न्यौपाने, ठाकुर गैरे, बिमला घिमिरे, शान्त चौधरी, सूर्य थापा चयन भएका छन् ।