प्रधानमन्त्री शेरबहादुर देउवाले नेपाली कांग्रेसको सभापतिमा पुनः आफू विजयी हुने दाबी गरेका छन् । 

कांग्रेस महाधिवेशनको मतदानस्थल भृकुटीपण्डपमा सोमवार अपराह्न लोकान्तरले सोधेको प्रश्नमा देउवाले आफू विजयी हुने बताएका हुन् । 

‘तपाईंलाई मलाई भन्दा बढी थाहा छ, मैले जित्छु मलाई थाहा छ नि !’ देउवाले भने । पहिलो चरणमै नतिजा आउने देउवाले बताए ।

नयाँ नेतृत्व चयनका लागि बिहान साढे ११ देखि मतदान जारी छ । साँझ ४ बजेसम्म झण्डै १४ समयले मतदान गरिसकेका छन् । 

सभापतिका अन्य प्रत्यासी डा. शेखर कोइराला, विमलेन्द्र निधि र प्रकाशमान सिंहले पनि सभापतिमा आफू विजयी हुने दाबी गरेका छन् ।