०८ असार २०८३, सोमबार
नेपाली कांग्रेसको १४औं महाधिवेशन अन्तर्गत जारी मतदानको समय राति साढे १० बजेसम्म थपिएको छ ।
राष्ट्रिय सभागृह मतदानस्थलमा मतदाता लगभग सकिएका छन् भने भृकुटीमण्डल मतदानस्थलमा मतदान जारी रहेको छ ।
राष्ट्रियसभा गृहमा निर्वाचन समितिको तर्फबाट राति साढे १० बजेसम्म मतदातालाई कुर्ने घोषणा गरिएको छ ।
यसअघि समितिले ९ बजेसम्म मतदानको समय थपेको थियो । बिहान ८ बजेदेखि मतदान शुरू गर्ने भनिए पनि ढिला गरी शुरू भएको थियो ।
