१२ असार २०८३, शुक्रबार
नेपाली कांग्रेसको १४ औँ महाधिवेशन अन्तर्गत सोमवार भएको निर्वाचनको मतगणनाको प्रक्रिया शुरू भएको छ ।
राति १ बजेदेखि मतगणना प्रक्रिया शुरू गरिएको र अबको केही बेरमा नै मतगणना शुरू गरिने निर्वाचन समितिले जनाएको छ ।
मतगणनाका लागि सुरक्षा व्यवस्था कडा पारिएको छ । यस्तै मतगणना स्थलमा सिसिटिभी जडान गरिएको छ ।
महाधिवेशन स्थल भृकुटीमण्डप र राष्ट्रिय सभागृहमा बिहान साढे ११ बजेबाट शुरू भएको मतदान १२ घण्टापछि राति साढे ११ बजे सम्पन्न भएको हो ।
सोमवार बिहान ८ बजेबाट शुरू हुने भनिएको मतदान ३ घण्टा ढिला गरी शुरू भएको थियो । मतपत्र अभावमा बीचमा पनि मतदान प्रभावित भएको थियो ।
कांग्रेस महाधिवेशनमा ४ हजार ७ सय ४३ प्रतिनिधि चुनिएर आएकोमा ४ हजार ६ सय ७९ जनाले मतदान गरेको निर्वाचन समितिले जनाएको छ । ६४ जना भने अनुपस्थित रहे ।
