२८ जेठ २०८३, बिहीबार
अमेरिकाको प्रशान्त क्षेत्र कमान्डका सैन्य कमान्डरहरूले चीन सरकारको प्रतिक्रियालाई पूर्वानुमान गर्ने सफ्टवेयर विकसित गरेका छन् ।
प्रशान्त क्षेत्रमा अमेरिकाले सैन्य उपकरणको बिक्री, अमेरिका समर्थक सैन्य गतिविधि तथा ताइवान जस्ता हटस्पटमा अमेरिकी सांसदहरूको भ्रमणका विषयमा चीन सरकारले कस्तो प्रतिक्रिया जनाउनेछ भनी सफ्टवेयरले पूर्वानुमान गर्नेछ ।
अमेरिकाकी रक्षा राज्यमन्त्री क्याथलीन हिक्सलाई मंगलवार हवाईस्थित हिन्द प्रशान्त कमान्डको हेडक्वार्टरको भ्रमणमा यस नयाँ सफ्टवेयरका विषयमा बताइएको थियो ।
यस सफ्टवेयरले स्ट्राटेजिक फ्रिक्सनको गणना गर्ने एक रक्षा अधिकारीले बताएको रोयटर्स समाचार संस्थाले खबर दिएको छ । सन् २०२० को आरम्भदेखिको डेटालाई यसले हेर्नेछ र अमेरिका चीन सम्बन्धमा असर पार्ने उल्लेख्य गतिविधिहरूको मूल्यांकन गर्नेछ ।
अमेरिकाको कुन कदमले चीनको कठोर प्रतिक्रिया जन्माउनेछ भनी कम्प्युटर सिस्टमले पूर्वानुमान गर्नेछ ।
यस नयाँ सफ्टवेयरका कारण अमेरिकी अधिकारीहरूलाई चार महिना अघिबाट नै योजना बनाइएका गतिविधिका विषय कार्यान्वयनमा सहायता गर्नेछ ।
