भुटान सरकारले देशको सर्वोच्च नागरिक सम्मान भारतका प्रधानमन्त्री नरेन्द्र मोदीलाई दिने घोषणा शुक्रवार गरेको छ । 

न्गादाग पेल गी खोर्लो अर्थात् अर्ड अफ द ड्रागन किङ सम्मान मोदीलाई दिने घोषणा भुटानका राजाले गरेको भुटानी प्रधानमन्त्रीको कार्यालयले आफ्नो आधिकारिक फेसबूक पेजमा घोषणा गरेको छ । 

मोदीले भुटानका जनतालाई कोभिड महामारी र त्यसभन्दा अघिदेखि नै सहयोग गरिरहेको र निःशर्त मित्रता कायम गरेको विषयलाई भुटानी नरेशले जोड दिएको प्रधानमन्त्री कार्यालयको पोस्टले उल्लेख गरेको छ ।