३० जेठ २०८३, शनिबार
काठमाडौंको पेप्सिकोलास्थित विशेष स्कूल तथा पुनः स्थापना केन्द्र (एसएसडी आरसीएस) लाई किवानिज क्लब अफ हिमालयले सहयोग गरेको छ ।
क्लबको छैटौं स्थापना दिवसको अवसरमा खाद्यान्न सहयोग गरिएको छ ।
पुनः स्थापना केन्द्रमा रहेका बौद्धिक अपाङ्गता (अटिज्म) भएका बालबालिकालाई खाद्य सामग्री वितरण गरिएको क्लबका पूर्व अध्यक्ष रोशन तिम्सिनाले जानकारी दिए ।
विशेष स्कूल तथा पुनःस्थापना केन्द्रकी सञ्चालिका सविता उप्रेतीले नेपालमा अटिज्ममा रहेका बालबालिकाहरूको वर्तमान अवस्थाबारे जानकारी दिँदै स्कूल स्थापना गर्न विभिन्न कठिनाइ भोग्नुपरेको बताइन् ।
‘अटिज्म भएका बालबालिकाहरूको हेरचाह गर्न निकै कठिनाइ एवं चुनौती हुन्छ । किवानिज क्लब अफ हिमालयले स्थापनाकालदेखि शिक्षा र स्वास्थ्य क्षेत्रमा सहयोग प्रदान गर्दैआएको छ,’ उप्रेतीले भनिन् ।
अटिज्म भएका बालबालिकालाई समाजमा पुनःस्थापना गराउन सबैको सहयोग आवश्यक रहेको क्लबका अध्यक्ष युवराज न्यौपानेले बताए ।
नेपालका सबै प्रदेशहरूमा गरी किवानिजका ९० वटा क्लब छन्, ती क्लबहरूमा १ हजार ९०० जना आवद्ध रहेका उनले बताए ।
