नेपाली कांग्रेसका केन्द्रीय सदस्य शंकर भण्डारीले पृथ्वी जयन्तीमा सार्वजनिक दिनुपर्ने बताएका छन् । 

राष्ट्र निर्माता पृथ्वीनारायण शाहको महत्त्वपूर्ण योगदान रहेको भन्दै उनको सम्मानमा पृथ्वी जयन्तीमा सार्वजनिक बिदा दिनुपर्ने उनले बताएका हुन् । 

साथै पृथ्वी जयन्ती तथा राष्ट्रिय एकता दिवस सरकारी तवरबाट भव्य रुपमा मनाउनुपर्ने उनले विज्ञप्ति जारी गरेर बताएका छन् । 

'हामीलाई विशाल नेपाल दिने महानपुरुष पृथ्वीनारायण शाहको जन्मजयन्ती मनाउन के कारण कठिन भएको छ ? राष्ट्रिय एकता दिवस मनाउन हामी किन हिच्किचाउँदै छौं ? जसले सबै जातजाति र धर्मका बीचमा एकता कायम गरायो उसैको सम्मान गर्न किन डराएका छाैं ? हामीले आज आफैंलाई प्रश्न गर्नुपर्ने समय आएको छ,' उनले भने । 

पृथ्वीनारायण शाहको योगदानलाई अवमूल्यन गर्नेहरू आफैं समाप्त भएर जाने भण्डारीको भनाइ छ ।