नेकपा (माओवादी केन्द्र) अध्यक्ष पुष्पकमल दाहाल प्रचण्डले राजनीतिक भेटघाट थालेका छन् । कोरोना संक्रमणमुक्त भएसँगै राजनीतिक भेटघाट शुरू गरेका हुन् । 

सोमवार बिहान प्रधानमन्त्री शेरबहादुर देउवासँग बालुवाटारमा भेट गरेका थिए । सो भेटमा स्थानीय तहको निर्वाचनबारे छलफल भएको थियो । 

साथै सो विषयमा छलफलका लागि राजनीतिक समन्वय समितिको बैठक पनि बोलाइएको बताइएको छ । 

प्रचण्डलाई पुस २३ मा कोरोना संक्रमण देखिएको थियो भने हिजो आइतवार संक्रमणमुक्त भएका थिए ।