२० असार २०८३, शनिबार
बाँकी रहेका १६ जिल्लामा माघ १५ गते गर्ने भनिएको कांग्रेसको जिल्ला निर्वाचन स्थगित भएको छ ।
कांग्रेस केन्द्रीय निर्वाचन समितिको बैठकले कोरोना संक्रमण बढ्दै गएकाले जिल्ला अधिवेशनबाट जिल्ला कार्यसमितिको निर्वाचन गर्ने कार्यतालिका हाललाई स्थगित गर्ने निर्णय गरेको हो ।
कोरोनाको जोखिम न्यूनीकरण तथा आम जनजीवन सामान्य बन्दै गएपछि ती १६ जिल्लामा तत्काल निर्वाचन गर्ने निर्वाचन समितिले जनाएको छ ।
कांग्रेसको सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, नवलपुर, बाँके, कैलाली र अछाममा निर्वाचन हुन बाँकी छ ।
