जनमत पार्टीका अध्यक्ष सीके राउतले आफूलाई ज्यान मार्ने धम्की आएको ४८ घण्टा बित्दासमेत सरकार मौन बसेको भन्दै आपत्ति जनाएका छन् ।

उनले भौतिक पूर्वाधार तथा यातायात मन्त्री रेणु यादवले गौर हत्याकाण्डमा झैं ज्यान मार्ने धम्की दिएपनि मन्त्रिपरिषद्बाट कुनै स्पष्टीकरण नआउनुले सरकारकै आधिकारिक धारणा मान्नुपर्ने भएको बताएका छन् ।
‘गौरकाण्ड झैं नरसंहार गरिदिने र घेराऊ हालेर हत्या गरिदिने संघीय मन्त्रीको घोषणाको ४८ घण्टा बितिसक्दा पनि मन्त्रिपरिषद्‍बाट कुनै स्पष्टीकरण नआएपछि यसलाई नेपाल सरकारकै आधिकारिक घोषणा मान्नै पर्ने भयो’, उनले ट्वीटरमार्फत कटाक्ष गरेका छन् ।
उनले प्रहरीबाट सुरक्षाको आश नभएको बताउँदै भनेका छन्, ‘अब आफ्नो आत्मरक्षा गर्दा कसैले आपत्ति नमान्नुहोला।’ मन्त्रीको अभिव्यक्तिको चौतर्फी आलोचना हुँदै आएको छ भने सरकारले यसबारे अहिलेसम्म केही बोलेको छैन ।