दुई युवतीलाई जबरजस्ती करणी गरेको आरोपमा रूपन्देही प्रहरीले दुई युवकलाई पक्राउ गरेको छ । 

रुपन्देहीका सहायक प्रवक्ता भाष्कर चन्दका अनुसार शुक्रवार राति लुम्बिनी सांस्कृतिक नगरपालिका–१३, पिपराका २० वर्षीय गणेश यादव र सोही ठाउँका २६ वर्षीय सुवास यादवलाई पक्राउ गरिएको हो । 

दुवै जनाले २२ वर्षीया र १९ वर्षीया युवतीलाई जबरजस्ती करणी गरेको प्रहरीको भनाइ छ । 

जबरजस्ती करणी गरेको भन्ने सूचना प्राप्त भएपछि इलाका प्रहरी कार्यालय लुम्बिनीका प्रहरी निरीक्षक युवराजजंग कार्कीको कमाण्डमा खटिएको टोलीले युवतीहरूको उद्धार गरेको थियो ।