बलिउड सुपरस्टार सलमान खान र उनका छिमेकी केतन कक्कडबीचको विवाद बढिरहेको छ । 

केही दिनअघि मात्र पनवेल फार्महाउसमा सलमानका छिमेकी कक्कडमाथि सलमानले मानहानिको मुद्दा दर्ता गरेका थिए । एक युट्युब अन्तर्वार्तामा कक्कडले आफूलाई बदनाम गरेको सलमानको आरोप छ । 

कक्कडले सलमानको फार्महाउसमा फिल्म स्टारहरूको लाश गाडिने दाबी गरेका थिए । त्यहाँ बालबालिकाको तस्करी गरिने गरेको पनि कक्कडको दाबी छ । 

सलमानका वकिल प्रदीप गान्धीले विना कुनै प्रमाण यस्तो आरोप लगाइएको र सलमानको मानसम्मानमा आघात गरिएको जिकिर गरेका छन् । 

केतन कक्कडले चाहिँ आफूलाई सलमानले जग्गा भएको ठाउँमा जान नदिएको आरोप लगाएका छन् । 

पनवेल फार्महाउसको नाम सलमानकी बहिनीको नाममा  अर्पिता फार्म्स राखिएको छ । यो १५० एकडमा फैलिएको छ र विलासिताका सबै वस्तुहरू छन् । सलमान पार्टी गर्न वा छुट्टी  मनाउन पनवेल फार्महाउस जाने गरेका छन् ।