झापा, १७ पुस– झापाको दमकस्थित पाडाजुँगीमा पाँचौ दुःखहरण पुजा सम्पन्न भएको छ । प्रेमवादका प्रवर्तक मानिने गड्यान्जलले पुजा गर्दै सबैमा शुभार्शिवाद प्रदान गरी पूजा सम्पन्न भएको उनका स्वकिय सचिव सुरबिन राईले जानकारी दिए ।
आइतबार दमकस्थित स्थानीय आदिबासी जनजाती रंगशालामा ५० हजार बढी  भक्तजनको उपस्थितिमा भएको पुजामा धर्तीजगतमा भएका सम्पुर्ण प्राणी एवम् मानव जगतको दुःख हरणको कामना गर्दै पुजा गरिएको थियो ।
यसअघिका झापाको पशुहाट, भारतको सिक्किम र सुनसरीको धरानमा यस्तै पूरा सम्पन्न भइसकेको छ ।

पूजामा भारतका साथै देशका विभिन्न जिल्लाबाट हजारौं भक्तजनको सहभागिता थियो । पूजाको उद्घाटन उपराष्ट्रपति नन्दबहादुर पुनले गरेका थिए ।