अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी)को विषयलाई लिएर सत्ता गठबन्धन अप्ठ्यारोमा परेका बेला (माओवादी केन्द्र)का अध्यक्ष पुष्पकमल दाहाल प्रचण्ड प्रधानमन्त्रीलाई भेट्न बालुवाटार पुगेका छन् । 

बुधवार बसेको माओवादी संसदीय दलको बैठकका निर्णय जानकारी गराउन प्रचण्ड बालुवाटार पुगेका हुन् ।

माओवादी संसदीय दलको बैठकले यथास्थितिमा एमसीसी अगाडि बढाउन नसकिने र जबरजस्ती अगाडि बढाउन खोजे सरकार छाड्ने निर्णय गरेको थियो ।

संसदीय दलको निर्णय प्रधानमन्त्रीलाई भेटेर जानकारी गराउने प्रचण्डले बताएका थिए । 

बालुवाटारमा प्रधानमन्त्री शेरबहादुर देउवा र माओवादी अध्यक्ष प्रचण्डबीच भेटवार्ता भइरहेको छ । प्रचण्डले एमसीसी टेबुल गर्ने तयारी रोक्न प्रधानमन्त्रीसँग आग्रह गर्ने माओवादीका एक नेताले जानकारी दिए । 

प्रतिनिधि सभाको बैठक दिउँसो १ बजे बस्दैछ । बैठकमा एमसीसी टेबल गर्ने सरकारको तयारी छ । अहिले कार्यव्यवस्था परामर्श समितिको बैठक बसिहरहेको छ ।