२८ जेठ २०८३, बिहीबार
क्रिकेट खेलको विकास एवं सामाजिक सद्भाव कायम गर्न फागुन ११ गतेदेखि १४ गतेसम्म विराटनगरमा ९औं मारवाडी प्रिमियर लिग (एमपिएर–९) प्रतियोगिताको आयोजना हुने भएको छ ।
नेपाल अग्रवाल युवा मञ्चद्वारा बिहीवार आयोजित पत्रकार सम्मेलनमा प्रतियोगितामा मारवाडी समुदायका अग्रवाल, महेश्वरी, ओस्वाल, मारवाडी ब्राह्मण, मेंढ स्वर्णकारका युवा टोलीको सहभागिता हुनेछ । मञ्चका अध्यक्ष प्रदीप अग्रवालले विराटनगर–२ स्थित शंकरपुरमा हुने प्रतियोगितामा मेजिक स्ट्राकर, प्रिमियर ११, हुलास ११, परशुराम वारियर, सीएसवी ११ गरी ५ टोलीबीच १० वटा लिग कल नकआउट प्रतियोगिता हुने जानकारी दिए ।
प्रतियोगितामा विजयी हुने प्रथम टोलीलाई नगद ६१ हजार र दोस्रोलाई २१ हजार नगदसहित ट्रफी र पुरस्कार प्रदान गरिने भएको छ । प्रतियोगिताका संयोजक हेमन्त अग्रवालले खेल टी–१० को आधारमा खेलाइने जानकारी दिए ।
प्रतियोगिता पूर्व युवाबीच खेलकूदप्रति अभिरुचि जगाउन मोटरसाइकल र्यालीले नगरका विभिन्न स्थानको परिक्रमा गरिने भएको छ । मारवाडी युवा लिग विगत १२ वर्षदेखि सञ्चालन हुँदै आएको छ ।
