२९ असार २०८३, सोमबार
प्रधानमन्त्री शेरबहादुर देउवाले एससीसी संसदमा पेश गर्ने बताएका छन् । सञ्चार तथा सूचना प्रविधि मन्त्री ज्ञानेन्द्र बहादुर कार्कीले बिहीबारको गठबन्धनको बैठकमा प्रधानमन्त्रीले एमसीसी लैजाने प्रस्ताव गरेको बताए ।
‘बैठकमा गम्भिर रुपले राजनीतिक घटनाक्रमको बारेमा छलफल भएको छ । संसद कसरी सुचारु गराउने र एमसीसीलाई संसदबाट कसरी निष्कर्षमा पु¥याउने बारे छलफल भएको छ’, कार्कीले भने । शुक्रबार १० बजे फेरि बस्नेगरी बैठक स्थगित भएको कार्कीले बताए ।
‘पाँच दलमध्ये चार दल सरकारमा छौं । हाम्रा आआफ्ना मूल्यमान्यता छन् । सहमतिका साथ निष्कर्षमा पु-याउनको लागि बैठक बस्ने तय भएको छ’, कार्कीले भने ।
एमसीसीलाई फागुन १६ गते सम्ममा निष्कर्षमा पु¥याउनुपर्ने भएकाले संसदमा टेबल गर्ने प्रस्ताव प्रधानमन्त्रीले गरेको कार्कीले बताए ।
माओवादी केन्द्रका अध्यक्ष पुष्पकमल दाहालका स्वकीय सचिव रमेश मल्लले बैठकमा गठबन्धन जोगाउनुपर्ने भन्नेमा सबैले जोड दिएको तर एमसीसीबारे अडान यथावत रहेको जानकारी दिए ।
आजको बैठकमा राष्ट्रिय जनमोर्चालाई भने निमन्त्रणा गरिएको थिएन।
