१७ असार २०८३, बुधबार
चिनियाँ नागरिकसहित भक्तपुरबाट ८० जना पक्राउ परेका छन् ।
भारतीय मूलका युवायुवतीहरूलाई छोटो समयका लागि ऋण लगानी गरी ऋणको ब्याज उपलब्ध गराउने र अनलाइन ठगी गर्ने एक जना चिनियाँ नागरिकसहित ४७ जना पुरुष र ३३ जना महिलालाई पक्राउ गरेको प्रवक्ता राजु पाण्डे बताए ।
चिनियाँ नागरिक वाङझिनाओले सनसिटी अपार्टमेन्टबाट ठगी गर्ने गरेको प्रहरीले जनाएको छ । उनीहरूको साथबाट प्रहरीले १४ थान कम्प्युटर, ४८ थान ल्यापटप र २ वटा आइप्याडसमेत बरामद गरेको छ ।
