भैरहवामा गौतम बुद्ध अन्तर्राष्ट्रिय विमानस्थल  सञ्चालनमा  आउने  अन्तिम  तयारी  भइरहँदा रुपन्देहीमा पर्यटक लक्षित ठूला र स्तरीय होटलमा लगानी बढ्न थालेको छ ।

​ विमानस्थल   सञ्चालनमा   आएपछि   पर्यटकको आवागमन  पनि  बढ्ने  अपेक्षामा  यहाँका  व्यवसायीले स्तरीय होटल तथा रेष्टुराँमा लगानी बढाएका हुन् ।

होटल   व्यवसायी   सङ्घ   रुपन्देहीका   अध्यक्ष रामप्रसाद  गौतमका  अनुसार  अहिले  रुपन्देहीका  होटलको दैनिक क्षमता १५ हजारभन्दा बढी छ ।

सिद्धार्थ  होटल  एसोसिएसनका  अध्यक्ष  चन्द्रप्रकाश श्रेष्ठका  अनुसार  भैरहवामा  एक  रातमा  चार  हजार  बढी पाहुनालाई  स्तरीय  होटलमा  राख्न  सकिन्छ ।  

त्यस्तै, लुम्बिनीमा  एक  रातमा  पाँच  हजार  पर्यटकलाई  राख्न सकिने सिद्धार्थ होटल एसोसिएसन लुम्बिनी शाखा अध्यक्ष मिथुनमान श्रेष्ठ बताउँछन् । गोरखापत्र दैनिकमा लक्ष्मण पौडेलले खबर लेखेका छन् ।