२० असार २०८३, शनिबार
नेपाल मानव धर्म सेवा समितिले आयोजना गरेको रक्तदान कार्यक्रममा सय भन्दा बढीले रक्तदान गरेका छन् । नेपाल मानव धर्म सेवा समिति, गौशालाको प्राङ्गणमा रक्तदान कार्यक्रम आयोजना गरिएको थियो । ।
नेपाल मानव धर्म सेवा समिति २०७० सालमा समिति व्लड डोनर एशोशियसनबाट सबैभन्दा बढी महिलालाई रक्तदान गराउने संस्थाको रुपमा सम्मानित भएको थियो ।
रगतको कमि पुरा गर्न सस्थाले महत्वपूर्ण भूमिका खेल्दै आएको व्लड डोनर एसोसियसनले बताएको छ ।
विश्व स्वास्थ्य संगठनका अनुसार कुल जनसंख्याको २ प्रतिशतले रक्तदान गरे रगतको कमिलाई पुरा गर्न सकिन्छ । तर रक्तसञ्चार सेवा केन्द्रका अनुसार नेपालमा एक प्रतिशत भन्दा पनि कमले रक्तदान गदै आएका छन् ।
रगतको अभाव समाधानको लागि सस्थाको योगदान महत्वपूर्ण रहेको एसोशियसनका कोषाध्यक्ष मचकाजी महर्जनले बताए । ‘विज्ञानले सबैकुराको विकाश गरेपनि रगतको विकाश गर्न सकेको छैन । यदि कसैलाई रगतको कमि भए त्यसलाई पुरा गर्न स्वस्थ व्यक्तिबाट रगत लिनुको अर्को विकल्प छैन’, उनले भने ।
समितिबाट २०७८ असोज ६ मा ४ सय ३ जनाले रक्तदान गरेका थिए । २०७७ फागुन २७ मा एक सय आठ जनाले रक्तदान गरेका थिए । त्यस्तै २०७६ जेठ ३२ मा करिब एक हजार पिन्ट रगत संकलन गरिएको संस्थाले बताएको छ । व्लड डोनर एसोसियसनका अनुसार २०७६ असोज ४ मा देशभरीबाट एक हजार दुई सय ३७ जनाले रक्तदान गरेका थिए ।
समितिले विभिन्न अबसर पारेर रक्तदान कार्यक्रम आयोजना गर्ने गरेको छ ।
