०५ साउन २०८३, मंगलबार
शेयर बजार मापक सूचक नेप्से बुधवार ६३.५४ अंकले घटेर २५४७.०४ बिन्दुमा ओर्लिएको छ । पछिल्लो समय लगातार घटिरहेको शेयर बजारले लगानीकर्तालाई भने निराशसमेत बनाउन थालेको छ ।
बजार घटेसँगै बुधवार तीन अर्ब ६२ करोड रूपैयाँको कारोबार भएको छ । आज नेप्सेमा सूचीकृत कम्पनीहरूमध्ये २२८ कम्पनीको ७६ लाख ५२ हजार कित्ता शेयरको ५५ हजार २१२ पटक कारोबार भएको छ ।
बजार घटेको दिन रिलायन्स फाइनान्स कम्पनीका लगानीकर्ताले भने ४ प्रतिशतले कमाएका छन् । आज सिभिल बैंक र स्वावलम्बन लघुवित्त वित्तीय संस्थाका लगानीकर्ताले १.०८ देखि १.२५ प्रतिशतसम्मले कमाएका छन् ।
बजार घटेका कारण सबैभन्दा बढी गुमाउनेमा भने हिमालयन जनरल इन्स्योरेन्सको ८.२६ प्रतिशत छ । युनाइटेड आईडीआई मार्दी आरबी हाइड्रोपावर, न्यादी ग्रुप कम्पनी, नेशनल हाइड्रोपावर, सामलिङ पावर कम्पनीसहितका लगानीकर्ता ५.७७ प्रतिशत देखि ६.६८ प्रतिशतसम्मले गुमाएका छन् । बजार घटेका कारण शेयर बजारका सबै उपसमूहका सूचक घट्दा सबै सूचक राताम्मे भएका छन् ।
