२२ जेठ २०८३, शुक्रबार
बागमती प्रदेशका श्रम, रोजगार तथा यातायातमन्त्री घनश्याम दाहालले भीमफेदी–कुलेखानी सुरुङ मार्ग प्रदेश सरकार एक्लैको लगानीमा निर्माण सम्भव नभएको बताएका छन् ।
प्रदेश सरकारको १० वर्षको बजेटले समेत सुरुङ मार्ग सम्भव नभएकाले अहिले प्रक्रिया रोकिएको उनले बताए ।
भीमफेदी–कुलेखानी सुरुङ मार्ग लागतको अनुपातमा लाभ कम हुने भएकाले यो प्रक्रिया रोकिएको उनको भनाइ छ ।
अब हेटौँडा–चोभारसुरुङमार्गको अवधारणा सरकारले अगाडि सारेको उल्लेख गर्दै उनले चार्जिङ सेन्टरको संरचना निर्माणपछि विद्युतीय सवारी सञ्चालन गरिने बताए । गोरखापत्र दैनिकमा खबर छ ।
