काठमाडौं, १८ पुस — झापाका जीवन राना युएईमा दुर्घटनापछि उपचार नपाएर समस्यामा परेका छन् । दुर्घटनापछि गम्भीर घाइते भएका राना युएईको शारजाहास्थित अल कुवैती अस्पतालमा उपचार गराइरहेका छन् ।उनको उपचारका लागि ठूलो रकम लाग्ने भएको तर उनी काम गर्ने रोटाना सेक्युरिटी कम्पनीले कुनै वास्ता नगरेपछि उपचार हुन नसकेको हो । त्यहाँस्थित नेपालीहरूका अनुसार उनको उपचारमा ७ लाख भन्दा बढी खर्च लाग्छ ।

तर उपचारका लागि उनीसँग पर्याप्त रकम नभएकोले सहयोगका लागि अपिल गरिएको एनआरएनका प्रवक्ता कृष्णप्रसाद मरासीनीले बताए । सडकमा हिँडिरहेको बेला उनलाई गाडीले ठक्कर दिएको हो ।