अमेरिकी सेनाका सेवानिवृत्त कर्नेल डग्लस म्याकग्रेगरले युक्रेनका राष्ट्रपति भोलोदीमीर जेलेन्सकी कठपुतली मात्र भएको बताएका छन् ।

फक्स न्युजसँग कुरा गर्दै म्याकग्रेगरले युक्रेनी जनतालाई अनावश्यक जोखिममा जेलेन्स्की नै जिम्मेवार रहेको आरोप पनि लगाए ।

उनले भने, ‘जेलेन्स्की कठपुतली हुन् र उनले युक्रेनको विशाल जनसंख्यालाई अनावश्यक जोखिममा धकेल्ने काम गरेका छन् ।’

युक्रेनबाट आउने सूचना २४ देखि ४८ घन्टाभित्र झूटो प्रमाणित हुने गरेको पनि म्याकग्रेगरले बताए । ‘एयरफील्ड नियन्त्रणमा लिएको अनि गुमाएको अनि फेरि नियन्त्रणमा लिएको भन्ने दाबी बकवास हो,’ उनले बताए । 

जेलेन्स्की आफ्नो जनताका लागि उभिएका नायक हैनन् र र भनी एंकरले प्रश्न गर्दा म्याकग्रेगरले हाँस्दै भने, ‘उनमा नायकत्वको कुनै लक्षण छैन । उनले वास्तविकतालाई स्वीकार गरे बल्ल नायक ठहरिन्छन् । त्यो भनेको युक्रेनलाई तटस्थ राख्ने हो । यो नराम्रो कुरा हैन । तटस्थ युक्रेन हाम्रा लागि पनि, रुसका लागि पनि राम्रो कुरा हो । दुवै पक्षले चाहेको मध्यवर्ती क्षेत्र यसले निर्माण गर्छ ।’

तर जेलेन्स्कीलाई अडिग रहन र युद्ध थप लम्ब्याउन भनिएको म्याकग्रेगर बताउँछन् । युक्रेनी जनताका लागि यो त्रासद कुरा भएको उनको भनाइ छ ।
 

"Zelensky is a puppet [...] most of what comes out of #Ukraine is debunked as lies within 24-48 hours”, retired U.S. Army colonel Douglas MacGregor tells Fox News. pic.twitter.com/QxYN8lVykM

— In Context (@incontextmedia) March 6, 2022